Bunga Citra Lestari (BCL) - Jangan Gila | Official Video

I really love to hear this song. Sang by Bunga Citra Lestari (BCL), one of the famous Indonesian singer. Here's the lyric and her video clip.

maju, mundur, atas kebawah 
iya-iya enggak-enggak
kenapa lagi?

apa pa sich maumu?
susah amat tinggal bilang
A B C D E F J and bla bla bla bla

jangan gila, jangan gila sayang
nanti kau menyesal
kira-kira kalau marah sayang
nanti kau menyesal

baik, ngambek, diam lagi diam lagi
ngga pernah jelas 
ampun aku

apa pa sich maumu?
susah amat tinggal bilang
A B C D E F J and bla bla bla bla

jangan gila, jangan gila sayang
nanti kau menyesal
kira-kira kalau marah sayang
nanti kau menyesal

jangan gila, jangan gila sayang
nanti kau menyesal
kira-kira kalau marah sayang
nanti kau menyesal

jangan gila, jangan gila sayang
nanti kau menyesal
kira-kira kalau marah sayang
nanti kau menyesal

Pengalaman Di Wad Hospital

cerita ini saya ambil dari http://brunei.fm/modeseram/2010/12/26/pengalaman-di-wad-hospital-by-julia-ana/
 dan juga pernah saya share on my other wordpress blog:- http://iniadalahaku.wordpress.com/2012/01/30/pengalaman-di-wad-hospital/

Apa yang aku tuliskan ini berdasarkan cerita dari mama aku sendiri

****************************************
aku: “ma… apa tu ceta kita dulu taim beranakkan c rose (bns) kan ku share pat fb aaa…yang pat mode seram aah, siuk bisdurang disana bkungsi ceta antu aaa.. “

Mama: “au… ceta atu….” Senyum-senyum

aku: “ingat-ingat lupa ku… “ (memaraki sigup)

mama: “ batah bah taim atu mama kana tahan…… . . . . . . . . . . .

Awal bulan September,1986

Alhamdullilah syukur,lahir kedunia jua anak mama yang ke-lima.. kiut walaupun mata sipit sebalah… ehehehe… Jadinya kana tempatkan tah mama ni diwad 6.. dalam 3 hari mama bertahan… kana gtau tah oleh nurse disana..mama pksa dpindahkan ke wad 5 (bilik first class bukan cam urang kebanyakan cakap..wad 5 ni wad gila) sebab wad 6 panuh.. ada lah jiran sebalah katil mama ni.. ketawa-ketawa bila tau mama kan kana pindahkan. “yah… bye-bye yah… bisai-bisai ahh”.
Mama yang inda tau apa-apa ni ganya mampu tekidum-kidum.Belalih tah mama ni ke wad 5. Diliatnya satu bilik ni ada dua katil. So mama ni kira sanang hati lah.. inda brbayar..

Malam pertama hari ke 3 di wad 5

Nurse kedua: “bilik sini kita masuk….”

Nurse: “eh.. bilik sebalah ani saja.. jangan tah lai bilik ani.. inda bisai bilik ani.. berangit tu…” sambilnya menjaling nurse kedua ani..

mama ok saja… ganya rose ani dari mula masuk inda beranti menangis.. kelurusan tah lagi si rose ani tekana penyakit kuning, pasal atu tah jua mama paksa bertahan lama dihospital atu.. disimpan dtempat katil baby belampung menangis.. tapi bila mama memingang sanyam tia. Disimpan balik menangis.. (kata mama taim tu bukan sama macam karang ani… karang ani bisai.. masuk ja dalam kaca tu… ani apa jua kai lampung kana khas kan.. katil pat katil baby atu saja)

nurse: “inda mau beranti menangis baby tu kakak?”

Mama: “au…nada yam au beranti menangis “

Nurse: “ bah biar tia kita simpan siring kita tu kak…tuk malam ani saja… kecian jua baby”

Jadinya mama ampai tah rose ni siring mama…

Malam atu rose inda mau langsung menyusu… menangis tah ganya sampai kesubuh dalam pukul 4 miatu. Jangan katakan rose saja inda mau tidur.. mama pun turut inda bertidur…

“nada mama bertidur… tarasa banar katil mama ani kana inggut… bgagar… Allah ganya tahu perasaan mama.. “ pendangaran mama bunyi rantai basi kana irit…. Tangis mama tu.. sudah inda bedangan selain si rose ganya dangan mama.. nurse pun nada jua melawat-lawat… sampai menyubuh dalam pukul 5 camtu baru tah sanyam..

aku: “mun aku ma… inda ku tahan… keluar ku kali mengunjar nurse minta dangani…”
mama: “inda lagi tpikir tu… mun sudah takut banar… kan membaca baru jua diri lapas beranak… bawa mengucap tah ganya….eeeeeeee mun mama tekanang bah . . . . . .” bekirik-kirik, giling-giling kepala..

Hari ke 4 – Petang

Rose dipindahkan semula ke wad 6. Jadinya tinggal lah mama saja di wad 5 ani.. atas arahan doktor ngan nurse… patang tu mama ni merehatkan tah mata.. luan mengantuk sal inda tidur semalaman… kunun siang ani nada tah gangguan….

TUUUUUBBBB!!!! Bunyi pintu bilik kana tutup kuat… mama tuleh.. asalnya mama ni tidur membelakangi pintu masuk… liatnya nada bejelama… becakap mama dalam hati “pembersih kali….” . mama inda berfikiran apa-apa… lagipun hari siang lakat bah… inda batah atu..alat berapa minit ganya..

TUUUBBBB!!! PAAAAPPPPPP!! PAAPPP PAAAPP!

Serantak bunyi dari pintu masuk sama pintu jamban.. teduduk tarus mama ani meliat… kakal jua nada urang… “Ya Allah.. Subhanallah… lindungiku Ya Allah…” . Inda batah tu masuk tah maci kan membersihkan jamban apa ni…

Mama: “bu… alum batah ani ada kita masuk?”

maci: “nada lai… napa lai?” bida pulang sudah usul mua maci atu… macam tau-tau ganya
Mama: “ah..inda ada pa-pa..betanya ganya”tarus tah mama ni keluar dari bilik atu.. menuju wad 6 menunggui si Rose.. walaupun tidur duduk..rela mama….

Hari ke 5 -

Masih jua mama ni bermalam dibilik atu.. mau inda mau terpaksa jua…. Sudah pun katil sebalahnya kusung.. nada berdangan… mama berdoa saja minta dilindungi… Sudah hari malam…alhamdullilah, tidur jua mama ahirnya.. walaupun kana kajuti oleh nurse tangah mlm… “inda ko papa lai? Saja ku melawat kau.. apa-apa panggil saja ku dluar ah.. ada kami tu menjagai kau”, mama ni melayan matanya mengantuk angguk-angguk ganya.

Paginya.. masuk tah nurse ni kebilik mama, berdua sama nurse lagi surang…

Nurse: “ nyaman tidur mu semalam lai… nada kana kacau apa?”

Mama: “Alhamdulillah..nada papa kita…”

Nurse: “inda jua, semalam tu susah ati kami… yatah ku gagas masuk takutku kau apa-apa…”

Mebuka cerita tah nurse ni membagitau kenapa kedia ni masuk bilik mama mengajut…. Ia ni sama kawannya duduk dkauter macam biasa… kauter durang ni kana tampatkan bukan dapan-dapan bilik..tapi diujung…

Nurse kedua: “subhanallah… eh jah, cuba kau liat tu….”dangan suaranya damit sambilnya mengamit kawannya ani..menyignal ngan mata.. menyuruh meliat…

Nuse pertama: “Ya Allah… subhanallah… baik tah ku menyubuk kedia… ya Allah.. mudahan tah ia inda papa…” laju tarus ya meninggalkan kawannya ani menuju bilik mama..

“karang malam..jangantah lagi kau tidur sini mun alum ada dangan… tidur saja kau lai pat wad 6 atu siring anakmu…”. Mama ni jadi tanda tanya apa yang durang liat semalam atu.. “napa kan nurse?”

Nurse: “semalam kami meliat ada masuk kebilik mu ani… Tuhan ganya tau takut kami semalam atu.. yang ku urikan kau… takut ku diapa-apanya kau… yang tah ku masuk kebilik mu, ku kajuti kau semalam tu”

Mama: “ada masuk kebilik???”

Nurse: “ au.. rambutnya panjang, perasaan ku smpai kelantai…putih banar ani.. megerabang… tunduk ganya jalannya.. muanya inda nampak.. baju nya beririt jua.. kukunya ani itammmm… panjang… mun bejalan ani kainny beririt tapi cam terabang ganya.. udah kami meliat kemana tujunya..rupanya kebilik mu ani.. yatah dalam takut-takut ku atu ku beranikan jua masuk kebilik mu.. baik jua nada papa lai.. ya Allah.. Allah atu jua mlindungi kau”

Mama ni terdiam… takut ada, uri ada, mikirkan lagi dirinya baru lapas beranak..kan menangis ada.. berbaur perasaan mama masa atu.. kan balik rasanya jam atu jua… bertanya tah lagi nurse ani… mama ada yasin apa, kalakati sama limau kapas dalam bilik atu… beristifar tarus mama.. langsung ia inda terkanang… dibagitaunya nada… giling-giling nurse ani.. ia pun katanya lupa kan bertanya pat mama… inda batah nurse tu keluar.. bapa pun datang.. alum lagi angat jubur bapa duduk..baru kan menyacah duduk, mama suruh tarus bawa kalakati, yassin sama limau kapas.. nada jua bapa ani banyak tanya.. tarus tah bapa mengambil kalakati, yassin sama limau kapas di rumah…
Mama: “laju kali bapa mu atu mendraib.. inda batah perasaan mama menunggu.. inda smpai setangah jam.. sama nini mu apa melawat mama…”

Hari ke 7

Sejak atu siang saja mama masuk bilik atu.. asal saja pukul 6 ptg, belalih tah mama ke wad 6.. semana-mana hari ke 7 tu, ada tia masuk surang lagi.. namanya lili (bns). Nyaman ni ati mama pasalnya bedangan tah ia jua dalam bilik atu.. inda pulang mama cerita apa-apa.. takutnya si lili ani inda mau sebilik sama mama…

Sudah malam, lapasnya cerita-cerita sama si lili ani.. kalat udah mata.. tidur tah bisdia ani. Dalam mama tidur atu… semana-mana mendangar mama bunyi urang menangis.. bukan lagi sayup-sayup… panuh bilik bah.. ruhung-ruhung lagi… rupanya si lili ani menangis…

Lili: “Ya Allah kak, rasaku kn membanguni kita ah.. terasi-terasi ku mengarik…sampai ku umbani pamper pat mua kita… nada kita sadar kak..” sidak-sidak.

Mama: “napa kau lili eh.. banar nada ku sadar li.. sadar ku bila ku mendangar kau menangis…”

Lili: “jangan kita tidur kak.. dangani ni…katil ku ahhh… kana angkat-angkat..”

BAAAAAPPP… PAPPPPP… melangur tarus pintu jamban ani.. nampak banar kana pemain.. mun sudah buka tutup buka tutup balik-balik..lagur-lagur…bisdurang ani inda lagi ingat kan manggil nurse kah apa… sama-sama tah mama sama si lili ani mbaca-baca.. nya mama..inda tah tau apa yang dibaca…lintang pukang bacaan… inda tah lagi kira kuar darah nipas, membaca surah tah apa sudah ni.. baik jua inda luan bepanjangan kana kacau.. aman jua ahirnya walaupun kata mama rasanya masa malam atu lama banar kan siang…

Hari terahir di wad 5 – hari ke 10

Lili, “kak…laju mandi kak.. ada abar baik ni kan ku gtau ka….”. mama taim atu dalam jamban.. apa lagi mama ni kakai-kakai tah jua keluar.. alum lagi keluar dari jamban… tarus si lili ani memaluk mama.. “abar baik kak… tani dua keluar ari ani kak.. ya Allah kak.. sanang hati kak…laju tah bepanyam…”. Jiwa pompuan tah jua banar aaa..sentimental.. dua-dua menangis ni, menangis sal luan iski kan mulih…

Waktu kan keluar tu.. sampat mama mengaga nurse kan mengucap terima kasih.. 7 hari mama di wad 5 atu … selama atu durang menjaga… kelurusan tah jua nurse ni bekeraja hari atu.. baru tah mbuka mulut bepadah pat mama… katanya.. bilik sebalah mama atu bagas cina mati..cina s’pore.. sal kenser rahim.. stat atu bilik sebalah atu macam-macam pendangaran durang… pasal atu tah jua ia inda menyuruh mama ni kana simpan dalam bilik atu.. alasannya ganya kan bepadah berangit walaupun inda masuk akal alasan atu.. lagi jua.. dibawah wad 5 atu… sebenarnya bilik mayat… (0_o”)


Wassalam…

Ku Sangka Sticker Yang Senyum

Cerita yang bakal aku tulis ni sudah pernah aku share didalam facebook fanpage mode seram brunei & didalam my other wordpress blog. This is based on my own experience. Terserah pembaca ingin mempercayai or sebaliknya. Allah itu lebih mengetahui...


__________________________________________________________________________________

Sepanjang 26 tahun bernafas dimuka bumi Allah… buat pertama kalinya mengalami sendiri.

19.11.07.. tarikh inda ku lupa… kelurusan hari atu jua hari jadi kawan ku… plan kan spend malam tu sama ia.. mendangani ia berjumpa buah hatinya… kelurusan jua hari atu buah hatinya keraja… jadi andang sanang bila buah hatinya tu keraja, peluang atu jua ia bejumpa walaupun sekajap…. Banyak kali jua lah sudah mendangani kedia ani..so nada la terasa uri kah apa sipun tah hari malam.

Pukul 5 ptg tu, lapas saja ku keraja, si Sumi (bns) mengambil aku keraja.. andang berancang awal aku malas kan mendrive hari atu. Si sumi ani sendiri kn mengantar aku mulih kerumah saja… Perindungan andang awal sudah dbagitau tu.. takut bisdia mengunjar & jadi tanda tanya napa ku inda mbawa matuka. Sudah menjadi tebiat ku bila ada rancangan lapas kaja tu kn mulih ahir inda tah ku mendrive tu.. samaada ikut kawan ataupun ikut sepupuan.

Mula-mula tu sebelum kan Sumi ni jumpa buahati nya kami makan la dulu.. mengisi parut.. makan di ayamku.. nada petanda buruk. Macam biasa saja.. macam selalunya bila kami bjaur. Sampai tah lapas maghrib tu baru tah berinut kan ke tampat buahatinya ani..
Kami malas kan pakai perahu tambang… pakai jalan raya saja.. biar tia..anggur beliun.. rela saja kami ni.. kebiasaan menyukat jalan.. sambil ceta-ceta.. mun pakai tambang menyebarang inda jua sampai 15min… tapi mun makai matuka jauh jua, basar jua tahi mata mun tidur.. jauh jua bah..
Biasalah kan.. anak muda katakan.. sigup-sigup.. musik ani full blast ni.. supaya inda kerasaan.. ada jua dalam 30 ke 45minit inda jua ku berapa pasti, sampai tah jua kami ani.
Buahati Sumi ani bedangan jua ni.. biasa jua ku la.. so aku duduk dapan sama si bulan mengembang (andang ku galar ia bulan mengembang sal ia gundul masa atu) sementara Sumi sama si Lindut nya (andang bergalar sorang-sorang)

Antah cemana dalam asik-asik cerita sama si bulan mengembang ani.. timbul cerita pasal nick dalam mig.. id msn la.. so aku apa lagi.. iski la aku ani.. .bercerita… dulu waktu jadi ‘antu’ mIRC nick ‘PONTIANAK’.. sudah dalam tibia ada jua.. ‘PONTIANAQ’ bila dalam mig pun tedapat jua diri.. “PONTIANAQ’.. jadinya ku gitau kedia.. inda cukup atu.. id msn pun sama… siap pakai pontianakrimba… lanjar ja lidah tu menyambut.. perasaan takut, uri bedugal ani nada ni. Si bulan mengembang ani inda percaya yamulanya… si Sumi mesahih kan.. “awu banar tu nu.. msnnya tu.. gila bah ia ani”, aku mampu ketawa-ketawa saja.. ketawa pun ditiru-tiru.. siap digalar lagi tu barang atu ‘wajah kesayangan hamba’

Dalam pukul 8.30 miatu, mengusut tah ku kan balik.. rasang udah perasaan ku.. “bah nu, mulih tah tani.. timbul uri ku.. takut ku bapa riuh kan aku mun ahir mulih” uja ku pat Sumi ani.
Sumi ani inda jua banyak bicara..”bah lakastah… payah bawa anak dara tkurung sangkar amas ani” ketawa-ketawa ja kami empat ani.. jadinya berinut tah kami… Sumi ani inda putus-putus ni cerita pasal si Lindutnya.. semana-mana… lalu kami satu selekoh ani..

Jalannya andang patang..inda belampung.. curam lagi… hari lagi malam.. harapkan lampung matuka sama cahaya bulan tah ganya.. aku ani asik ni mendangar ia ceta-ceta..ketawa kalah-kalah urang memuji..labang-labang… sigup cucul-cucul dibibir, sambil-sambil mendangar pelangi fm..
Dalam samar-samar malam tu.. masih ku ingat tu… kan pukul 9 malam baru…kejumpaan kami matuka putih lama, kurang ku pasti modal apa.. macam kerita sarina ada jua… dari jarak jauh dah aku sama Sumi ani terdiam.. inda tau mengapa, auto diam kami ani… matuka putih lama ani taluan tah jua pelahannya… pelahan amat. Kalau keta auto cam inda tani menakan minyak..lapas ja minyak tu, keta bejalan sendiri.. ia sudah tu lidutnya.

Sudah pun jalan inda belampung.. ku paksaie ganya keta putih ni.. Sumi pelahankannya sudah ni lari ketanya… berjarak dalam 50m miatu.. “Subahan’Allah.. Ya Allah nu.. Subhana’Allah” atu ja ku mampu mengucap.. masih hati ani bagi-bagi 50-50 antara banar atu inda ku liat…
Tampat lampung third-break keta putih tu pengliatan ku mua.. damit mua tu..macam kanak-kanak umur 3-5 tahun damitnya.. awal tu ku pikir sticker keta.. mulut Sumi ani pun babau tia jua.. aku ani inda lagi tebunyi… “pikir positive..pikir positive”dalam hati ku…

“Ya Allah…. Ya Allah!!” atu ja ku mampu bersuara bila ku liat barang yang ku sangka sticker atu senyum.. SENYUM!!!!! Sigup ku inda ku tau dmana lagi taim atu.. tangis ku atu.. kalah-kalah kanak-kanak damit kana acut… tuhut ani kajar-kajar.. airmata ani luah-luahan sudah.. bedangan jua dangan paluh…

Inda lagi ku mampu kn bersora… kn meliat kedapan pun barat sudah kepala. Ku gamit saja Sumi ani.. pikir Sumi aku kan menagur, teraisi nya pulang ku sebasar-basar suaranya… “EHHHHHHH!!!! BASARKAN RADIO AH” aku yang sudah ketungkalan ani ku up tah volume radio ani.. nama jua panik… apa-apa ayat pun inda lagi terlintas difikiran ku kan membaca…

Bayangkan, Sumi buntuti matuka tu… matuka behantu ani lagi maha pelahannya… macam me’nyaya ada jua… Sumi tutup lampung matukanya, aku ni kan melirik kesiring pun ijap, ku liat ja bumper matuka dapan ani… ku lirik mua dalam matuka tu.. SENYUM!!! Masih senyum-senyum meliat kami.. damit..luan damit muanya.. macam anak patung.. rambutnya ani itam mengerabang… bukan pucat tapi kehijau-hijauan muanya… cam purple ada jua pisinnya.. bukan ku kan mebaca ayat kah apa.. makin meruhung lagi tangis ku ani… luan-luan macam kana bibit.. ku ganggam paha Sumi ani.. dalam hati ku menyuruh laju.. putung saja.. inda lagi ku sanggup meliat. Udah pun kepala atu macam lintuk-lintuk pat lampung third-break atu…

Sumi ni macam faham jua.. d’on nya lampungnya.. membreak ia sekajap udah atu tarus takannya minyak memutung.. selekoh mati lagi… ya Allah.. doa ku dalam hati ani..mudahan jua kami inda apa-apa… telinga ani inda lagi mendangar pelangi fm ani ni. Bilanya tani memutung matuka lain, paling ampir tah tabuk passenger kan? Aku ni ada hati kan menoleh tapi leher ku ani macam kana paku… karau tunduk.. takut. Takut barang atu meliat aku.. dangan anak mata ku saja melirik.. ku liat driver nya.. tangan lelaki sasa.. bebulu.. basar.. atu ja ku liat, tabuk ku ani inda lagi tetutup.. inda tau apa kan dbuat.. tau menganggam paha Sumi saja sekuat hati ku…

Lapas ja Sumi mutung tu tarus Sumi melirik dari rear mirror nya.. patut ku liat malar dusai-usainya ceramin nya ani.. mulutnya yang meluah ayat ‘busssittt busssiiitt bussssiiittt’ saja.. laju drive Sumi tu inda lagi ku sadar.. mulut kami ni kakal macam kana staple saja…

Sudah sampai traffic light..

”Nu… tau apa?” ayat yang ku dangar mula-mula lapas kami lama diam dari mulut Sumi..
Ku sauti “apa nu?”.

“lapas tani mutung matuka ah, ilang.. nada.. itam ganya.. mana ada matuka…”kata Sumi..
Nyaku “banar-banar bah nu??? Jangan main-main bah… takut ku”

Sumi: “apa dapat ku mun main-main.. ku usai udah ceramin ku ani.. nada bah matuka aaah.. kacut kepala ku rasaku…”

Aku: “nu.. ‘ia’ sudah kah tu”

Sumi: “ia udah tu.. wajah kesayangan yang kau puja-puja ah”

Aku: “ antar tah ku mulih nu.. inda ku sanggup lagi ni… “

Sumi: “mengambil adikku dulu..biar ia mendrive.. ijap jua ku sorang-sorang mengantat kau”

Aku: “bah jangan lama nu aaaa….inda ku tahan ni”

Sumi: “Kau ani pun satu.. aku suruh kau pasang radio baca ayat.. kau pasang rangkaian pelangi.. inda kau ingat kah aku inda belaku.. ‘cuti’ jua ku ni….”

Aku: “kau suruh basarkan radio… ku basarkan saja.. mana ku lagi kan tekanang kau cuti inda”
Sampai saja ku dirumah… mandi pun minta tunggui adikku si Rose.. esuknya ku tnyakan si bulan mengambang… ku cetakan semua patnya.. ia ketawa saja.. katanya “bukan sticker tu.. bukan jelama tu kan main-main kan kamu.. pebret mu sudah tu…kelurusan hari kamu kali ia menampakkan..pasalnya, kawan-kawanku danganku kaja apa ni banyak sudah kejumpaan tu.. aku ganya inda kana… pecaya ku tu..yatah kau.. luan iski, dsabut-sabut.. meliatkan diri la ya”
kan hampir sebulan ku tidur minta dangani si dangan..cematu… kan bercerita pat perindungan takut kana paus,kan bejaur ganya… tapi syukur alhamdulillah kami inda apa-apa hari atu… jalannya tu kata si dangan curam… andang karas.. selalu jua urang kejumpaan barang itam tugal-tugal siring jalan kalau malam.. pengelaman kawanku sorang tampat yang sama tu, ia penah kana katuk ceramin matukanya oleh kanak-kanak.. serba kuning….

Wassalam 

p/s:
http://brunei.fm/modeseram/2011/01/06/sticker-senyum-by-julia-ana/
 &
http://iniadalahaku.wordpress.com/2012/01/30/ku-sangka-sticker-yang-senyum/

Bila Bosan Aku.....

I was planning to share few of my pictures that I took last week during my holiday at Langkawi. I can't share it today, sebab ini pun aku kat kolej (computer lab) sebab kejap lagi pukul 3 pm ni my class. Saja nak awal masuk. Nak book seat, because I know if aku  masuk lambat confirm takkan dapat tempat duduk. Ada dengar kelas ini usually packed. Pasti akan ramai...

Hari ni aku datang awal, ikut my partner. Sebab aku ni malas dah sejak dua menjak ni nak datang kolej naik bus. So aku lebih rela je naik motor sampai awal. Kelas hari ni satu subject je. Advance PC Competency at 3 pm. I arrived at 8.30 am this morning.  Bila saja sampai kolej selalunya aku akan pergi breakfast dulu. Lepas breakfast baru la membuang masa masuk library. 

Tadi tu memang boring la. Sebab tak ada benda nak buat nasib juga lah aku bawa Ipad. So sepanjang dalam library tu main game Tribez saja la aku. Siap tertidur-tidur lagi. mana tak nya tertidur, tak ada teman borak. Aku ni kalau tak ada kawan nak diajak borak memang kerja aku tidur saja lah. Main game pun cheat je. I change the time so I can get lots of gold from it. Hahaha budak pun tau cheat ni. So bila asyik adjust masa saja memang la boring kan. Naik level pun tidak. Itu yang menyempat tidur tu....


Lepas saja membuta kat library tu aku turun la uruskan sikit hal, pergi jumpa lecturer then pergi lah makan. Bila dah gather dengan kawan lain yang ambil subject yang sama baru lah kita orang datang lab ni. Once buka PC ni. Tak boleh pula nak buka facebook. Tu yang end up buka blog and merapu-rapu kat sini. Hihihi newbie la katakan.. so type apa-apa entah. Lost sikit.. takpe kan, lama-lama nanti biasa lah ni.

 

Kolej... kolej.....

It's been raining this few days. Just yesterday, I started my new semester, my 7th semester. Yep, one more semester left then I finish my diploma Insha'Allah. Bercerita pasal kolej ditempat aku belajar ni, boleh smpai esok ni, but malas lah kan. Somehow, kolej tu jugak yang aku pilih dari awal. So cemana pon aku redha je lah. Yelah tinggal 1 semester saja lagi, masa berlalu begitu pantas.

Yesterday, satu kolej bising sebab result dah keluar. Ada yang excited. ada yang redha je dengan keputusan dorang. Aku pula, hmmmm.. ni lah cerita bermula.

My second class started at 12. So aku  masuk lah before 12. Bila masuk tu tengok muka-muka banyak aku tak kenal. And I don't mind at all. Sebab since aku 'foreigner' dalam kelas tu so I adapt to it. Macam perwatakan aku boleh tengok. Duduk sorang-sorang tu je lah keje aku. Judging person from their behavior. I don't tend to, but it happened when ever I was alone. Aku ambil la buku nota then tried to write something. But I can't.. my mind was all over. So datang la budak pompuan ni yang aku kenal which kite orang satu kelas last semester. But I'm not that close, it just... how to say this, am I too friendly? sebab sape yang tegur aku memang aku akan tegur balik. Bila orang bersuara baru aku bersuara, if not I will be mute there alone which again I don't mind. Kekadang tu best juga bila duduk sorang, duk tengok perangai sorang-sorang.

So this girl said that she was happy because she just got her result and yes she pass her paper. And I was like "the result is out already?", she said yep. So aku tried la on from my mobile phone. But my internet connection was damn slow. So she offered me to use her mobile phone. Aku cuba lah tengok my exam result, bila saja aku click exam result tab, pop out la satu notification "please contact credit control department bla.. bla.. bla.." geram gak aku. Orang lain dah boleh tengok result dorang where me, I can't view mine.

So lepas kelas je aku pergi la jumpa front desk. Diaorang advised me to look a lady who in charge. Pendek kan cerita, lama juga tunggu Madam ni, katanya lunch break. I glanced my watch and it is almost 3 pm. Bercakap la dalam hati. Takkan lunch break from 12.30 to 3 pm. Tengok queue dah panjang ni. Datanglah staff sorang ni. Kira nak tolong la sebab tengok queue bukan berkurangan but semakin bertambah. Aku pergi la kat dia ni. And explain everything yang aku ni memang takde outstanding dalam terms fee, tak tau kenapa block my result. Jadinya, dia suruh lah aku pergi balik kat kaunter pertolongan and suruh dorang tunjuk je my result if it's true that I don't have any problem on my results before and my payment.

Bila refer dengan desk ni. Dorang tak boleh lah nak simply check my result on my behalf so they go check my ledger dulu. DAMN! my ledger stated that I've got outstanding of rm825 and I was like.. hey! where this rm825 coming from. I don't have problem on my payment. Minah ni cakap lah tak tau. Bila aku glance balik bilik madam ni, still ramai orang so I called my partner and tell her the situation. So marah lah my partner, yelah, siapa yang tak marah. Hutang takde apa tiba-tiba kat portal bagitahu ada out-standing.

Aku pergi lah restaurant nak isi perut. Sebab nak tunggu kelas pukul 6.30 lama lagi, that time baru je 3.30 macam tu. Lepas makan I went to library and take short nap (I guess). Bila bangun aku nak pergi lah kelas. Tengok jam, lahhhh baru pukul 5, menyesal juga dah returned locker's key. So terlintas la difikiran ku pergi admin. Aku tengok dah tak ramai, so I took my chance and again go meet Madam. Bila dia tolong check kan, dia kata yang out-standing tu my repeat paper. Terus aku sound, since when I failed my exam. Dia tengok la invoice. Turn out that out-standing is not the repeat / failed subjects but the systems falsely stated that I repeat my paper. Stupid, those two subjects I just registered for my this semester. Bodoh ke tak bodoh. Suka hati mak bapak dia block. Bukan tak boleh tengok aku punya exam result. Before kata aku repeat paper pergi lah check dulu my previous subject that I already taken. Ini tidak, suka hati je.

So aku pergi kat helper desk and file a complaint. At last dapat juga lah aku tahu my last semester final exam's result. Walaupun tak begitu memuaskan but aku bersyukur. I pass my paper. Yang aku tak faham kolej ni. Semakin nak final year semakin teruk. Kata guna system baru la bagai. End up terpaksa juga buat manually. If so, tak payah lah buat online tu. Bukan menyenang kan pun, menyusahkan ada.

Ya Allah, dugaan betul lah yesterday tu kan.

Newbie

Ni first time ni.. Kalau orang dah lama dah buat blog, dah lama dah blog dorang tu famous and ada pulak yang dah lama tinggalkan blog diaorang. Different from me, baru nak try hahaha.. I don't know why, my heart eager to make one for my self. Mungkin topics that I will post not that interesting to reader out there to read but yet, I want to share something. Juga mungkin aku takkan post everyday, bila ada feel nak post jer baru post.. ahahaha.. I didn't repeat the word 'post' many times right?

I am a woman, who lives in a very small peaceful country in the world, some of you maybe never heard of Brunei Darussalam. That's my country, and I am proud to be one of the Bruneian. Want to  know more about Brunei Darussalam? It's easy just a click away.. just open your google browser and type Brunei Darussalam... LOL, sungguh pemalas diri ku ini.. ni nak jadi blogger?.

I'm the second daughter out of six (four girls and two boys). My dad and mum are still alive. I have a niece and four nephews (my elder sister's kids). I was born on 10th of July in the year of 1981.. at 21:08hrs (if I'm not mistaken, later when I get back to my home town I will check my birth certificate :-P ), General Hospital (now known as Hospital RIPAS). I'm not married.. don't ask me why because I won't answer, if I do I know the answer will be "I will not get marry. EVER ". There was a story behind it :) who knows maybe next time I will share it.. maybe....

Now, I'm not at my home town. Aku baru je study balik. I know you guys will calculate my age now. Believe it or not, I took diploma (blush) kalau korang luar tu misti dah amik Master kan.. I don't mind at all. It is better late than never. Bukan jauh pun, negara jiran je, Kuala Lumpur (KL). Aku stay dengan partner aku. I came here on May,2011 and inshaAllah (hopefully) I will finish my diploma by next year.  Takde la jauh sangat dari centre of KL, if I take bus, it took like 45 to 50 mins depends on the traffic that day. But if the traffic is worst like around 5.30 pm to 7.00 pm, it will take more than hour to reach home (bummer!). 

Live far away from your family will teach you something. Kalau dulu, sebelum berjauhan dengan keluarga and both of my parent, aku kurang sangat nak appreciate diaorang. Bukan tak appreciate langsung, just kurang jer. Dalam adik beradik pun yang paling aku rapat dengan adik perempuan aku (anak ke-5) and my brother (the 3rd after me). Between my dad and mum, I too close with my mum compare with my dad. Entah kenapa dulu tu aku suka sangat gaduh dengan Papa. Sampai pada satu tahap tu aku siap persoalkan kenapa dia treat aku macam anak tiri. Hmm... yang tu nanti je la aku share. Campur aduk la pula nanti. Tapi apa yang aku cuba nak sampaikan, hidup berjauhan dari keluarga membuka mata ku yang buta selama ini. Alhamdulillah kan....

Maybe setakat ini dulu kot aku share. Jari aku ini memang suka sangat nak menaip. Otak dan minda aku ni pula memang banyak nak minta di share. Tapi hati aku kata "ok, that's enough for today". Semoga blog pertama aku ini takde la akan termati macam tu je. Semoga tiada lah penyakit 'Big M' (malas / lazy) hahaha LOL!

Ok that's all for now. Hope that I have spare time to type more about me. And I hope reader out there will enjoy my story. Even though my english is not that good. Sorry if there is a lot of spelling error or wrong grammar or what ever it is. I'm not that good in English, at least I'm trying. And again sorry for the mix language.. this is what they called 'malayglish' (where malay and english are being mix up) - if only I spell it correctly. Geez, why so complicated hahaha.. dang!